چوری کے دو مختلف واقعات

ناندیڑ۔۲۲مئی (اعتمادنیوز)ناندیڑ شہر اور حدگاؤں میں چوری کے دو واقعات پیش آئے ہیں ۔ پولس پریس نوٹ کے مطابق گلزار باغ کے رہنے والے محمد فاروق علی نے اپنے مکان کو تالہ لگاکر گاڑی پورہ اپنے والد کے مکان گئے ہوئے تھے ۔ نامعلوم چوروں نے رات کے وقت ان کے کمرے کا تالہ توڑ کر گھر میں موجود الماری میں سے نقد ۲۵؍ہزارروپئے ، ایک ٹی وی اور دیگر سامان چوری کرکے لے گئے ۔ اتوارہ پولس اسٹیشن میں نامعلو م



چوروں کے خلاف مقدمہ درج کیا گیا ہے ۔ اُسی طرح بھوکر تعلقہ کے پوم نالہ گاؤں کی رہنے والی خاتون آرتی پٹے واڑ (۲۵سال ) یہ حدگاؤں بس اسٹینڈ میں ایس ٹی بس میں سوار ہورہی تھی اسی دوران ملزم مینو آکاش ایپاڑے ساکن ناگپور نے پرس میں موجود سونے کے زیورات چوری کرلئے ۔ تقریباً۲لاکھ روپئے کے زیورات پرس میں سے چوری مینو نے کرلئے تھے ۔ اسے پکڑ لیا گیا ہے ۔ حدگاؤں پولس اسٹیشن میں مینو کے خلاف مقدمہ درج کیا گیا ہے ۔